stemningsbildeLogo
SISTE NYTTARRANGEMENTKRETSENDOKUMENTGALLERI

JOTI-treff (10.10.16)

No er det under ei veke til speidarar frå heile Sogn og Fjordane igjen kan møtast på Teigen...

Rune Rasmussen fekk Æreskniven (29.04.14)

Nettsida er à jour! (25.02.14)

Nettsida er no oppdatert med alt av referat, kontaktinformasjon, dokument osb. Saksdokumenta...

Resultat KBK 2013 (28.04.13)

Speiding for store og små (14.06.12)

Torsdag 7. juni og måndag 11. juni var kretsen på besøk på høvesvis Trudvang skule i...

«Maur» frå Systrond 1 vann KBK! (29.04.12)

Jentene i patruljen «Maur» frå Systrond 1 var dei som kunne juble aller høgast under...

34 på årsmøtet! (28.02.11)

Søndag 27. februar vart årsmøtet i Sogn og Fjordane krets halde, med heile 34 personar til...

Fornøgde KBK-vinnarar

«Maur» frå Systrond 1 vann KBK!

Publisert: 29.04.2012 kl. 17:15 - sist oppdatert: 02.05.2012 kl. 18:21

Jentene i patruljen «Maur» frå Systrond 1 var dei som kunne juble aller høgast under kretsbannerkonkurransen til Sogn og Fjordane krets. Denne vart arrangert på Kjørnes Camping i Sogndal helga 27.–29. april, og seks patruljar deltok.

Litt ut på fredagskvelden byrja speidarane å rykkje inn på Kjørnes, og etter litt trøbbel med telta i vinden kunne den fyrste oppgåva bli sett i gang. Det var teorioppgåva, som omfattar 30 spørsmål med svaralternativ. Vidare utover kvelden var det leirområda til patruljane som stod i fokus, for utsmykking og orden der er også noko som blir vurdert i konkurransen.

Laurdagen er naturleg nok den dagen det er tid til flest konkurransar, og fyrst ut var pionering. Her var oppgåva å lage ein funksjonell oppvaskbenk. Nokre valde meir originale løysingar enn andre, men dei beste sigra på kombinasjonen av funksjonalitet og stabilitet.

Vidare kom den hemmelege oppgåva, som var å lage armband med makramé, og ikkje minst fyrstehjelpsoppgåva. Markørane der hadde fått sminka opp ganske realistiske brannsår, og speidarane måtte bryne seg på kva ein gjer med ei forbrenning av 3. grad.

Litt middag må dessutan til, og denne gjekk også inn i oppgåvene. Patruljane skulle lage kokt laks med poteter, rømme og agurksalat, pluss «tilslørte bondepiker» til dessert. Dei fleste fekk eit godt resultat med laksen men «bondejentene» var nok enkelte litt meir usikre på korleis dei skulle lage til og dandere. Søndag vart det heile avgjort med fotoorientering, der speidarane fekk oppgjeve ein heil del ting som dei måtte finne og ta bilete av på området.

Sigeren i konkurransen vart til slutt relativt klar for jentene i «Maur», men jamnare var det mellom andre- og tredjeplassen, med andre ord skiljet mellom kven som blir kvalifisert til NM og ikkje. «Elg» frå Systrond 1 og «Rev» frå Førde kniva store delar av helga om andreplassen, men til slutt var det «Elg» som trakk det lengste strået, med berre 1 poeng avstand til «Rev». Helga på Kjørnes Camping vart spennande, men vindfull for speidarane!
Tekst: Eirik Ulltang BirkelandFoto: Frida MulenUtskriftsvennlig versjon
Søk i kretssidene
Googlesøk i sidene til Sogn og Fjordane krets
Har de noko å bidra med?
Skjer det noko spennande i gruppa dykkar som også er interessant for andre i kretsen? I tilfelle er vi interesserte i å skrive om det her på kretsnettsida.
Send tekst og bilete til
eirik.u.birkeland@speidar.net.
Last ned arrangementsplan for 2014!
Arrangementsplan 2010
Pb 6910 St. Olavs plass
0130 Oslo | 22 99 22 30
Sogn og Fjordane krets av Norges Speiderforbund | sfj@scout.no